Exposed

1) الكوافيرة 

"كنت بشوفك كتير في الشارع من سنتين عند المترو كده.

بس انت كنت طخينة أوي صح؟

كنت مليانة بالذات من تحت.

كده احلى "

مش عارفة كلامها فرحني ولا ضايقني بصراحة

اتضايق ان فيه ناس معرفهاش شايفياني وبتحكم عليا  وبتفكر في جسمي - وان الاجزاء اللي في جسمي اللي بحاول جاهدة اخبيها من الناس ومن النفسي طلعت مكشوفة جدا - ولا افرح ان نفس الجمهور الناقد شايفني بقيت حلوة. مع العلم ان شهادتها مجروحة لأني كنت لابسة واسع انهارده ولأني مكنتش اطخن من كده من سنتين.

Exposed. Very exposed

2) الSpa

Her: Ma'am The Sauna and steam room are public with other guests do you have  a swimsuit?

Me: No. 

الكيلوت والسبورتز برا كانوا سود فيمشوا مايوه. 

4 مرايات حواليا كاشفة كا حتة cellulite.

المرايات زي الكاميرات .

اسلحة.

جوا الجاكوزي سيدات في الستينات والخمسينات من عمرهن.

اكيد دي كانت هدية من اولادهم لعيد الأم.

أنا معنديش أولاد يهادوني. ومعنديش أم أهاديها. بس جسمي زي جسمهم. نفس الكلاكيع وال cellulite

انا مش أم ومش كبيرةز ايه عذري؟

هدية عيد ميلادي قلبت كابوس

مواجهة شريرة مع الواقع.

________________________________

ده مش جسمي

انا مش حاسة انه جسمي

محبوسة جواه 

بس مش بتاعي

خرجوني